Ինչպես ղեկավարել ուրիշների համակարգիչները լոկալ ցանցում
Այս թեմայով շատ նամակներ եմ ստացել և բազմաթիվ մարդկանց խնդրանքով այսօր կտեսենք, թե ինչպես կարելի է ղեկավարել այլ համակարգիչներ՝ գտնվելով այդ համակարգչից հեռու: Դրա համար նախատեսված են մի քանի ծրագրեր: Սկսենք նրանից, թե որտեղ ենք մենք պատրաստվում այն կիրառել: Այսօր կխոսենք լոկալ ցանցում գտնվող համակարգիչներից, իսկ մյուս անգամ կտեսնենք, թե ինչպես կարող ենք դա անել ինտերնետի միջոցով: Եթե ցանկանում եք ղեկավարել ներքին ցանցում գտնվող համակարգիչը կամ դիտել դրա էկրանը, ապա կարող եք օգտագործել Radmin ծրագիրը: Ծրագիրը իրենից ներկայացնում է 2 ենթածրագիր: Առաջինը տեղադրում եք այն համակարգչի վրա, որը ցանկանում եք ղեկավարել, իսկ երկրորդը՝ ձեր համակարգչի վրա:Rserver — այլ համակարգչի վրա (remote computer)RViewer — ձեր համակարգչի վրաԾրագիրը Remote համակարգչի վրա տեղադրելուց հետո անհրաժեշտ է բացել այն և կատարել նկարներում պատկերված քայլերը՝
Իսկ Ձեր համակարգչում անհրաժեշտ է բացել Rviewer ծրագիրը և կատարել հետևյալ քայլերը:
2-րդ քայլում պետք է գրել լոկալ ցանցում գտնվող համակարգչի IP հասցեն կամ դրա անվանումը: Կարգավորումները անելուց հետո ձեր համակարգչում սեղմում եք ավելացված remote համակարգչի անվանման վրա, գրում եք այն օգտագործողի անունը և գաղտնաբառը, որը գրել էիք Remote համակարգչի ծրագրում և ղեկավարում կամ դիտում էկրանը:
